Ümumi baxış

• 1. MƏHSULLARIN DƏYƏRİ

  Hər bir məhsulun fərdi qiyməti məhsulun səhifəsində, həmçinin alış-veriş səbətində göstərilir.

  • Məhsulun qiyməti həm JYSK Azərbaycan mağazalarında, həm də JYSK.az saytında eynidir.
  • Məhsulun qiymətinə ƏDV daxildir.
  • Məhsulun qiymətinə çatdırılma xərcləri daxil deyil, çünki onlar seçilmiş çatdırılma üsulundan asılıdır. Çatdırılma ilə bağlı ətraflı məlumatı burada tapa bilərsiniz.
  • JYSK Azərbaycan məhsullarının mövcudluğu və qiymətləri çap səhvlərinə məruz qala bilər. Bu həm çap reklam materiallarına (broşürlər və reklam bukletləri), həm də JYSK.az saytında yerləşdirilən məlumatlara aiddir. Qiymətdə səhv aşkar edilərsə, o, mümkün olan ən qısa müddətdə düzəldiləcək.
  • Bütün qiymətlər aktualdır və mütəmadi olaraq yenilənir.
  • Ödəməli olduğunuz qiymət alış zamanı qüvvədə olan qiymətdir.
• 2. ÖDƏNİŞ

   

  Çatdırılma zamanı nağd ödəniş

  Sifarişi çatdırılma zamanı nağd şəkildə ödəyə bilərsiniz. 

  Bank kartı ilə ödəniş

  Alış-veriş səbətində sifarişinizin ümumi məbləği, o cümlədən ƏDV və çatdırılma xərcləri göstərilir. Bu, ödəməli olduğunuz yekun məbləğdir.

  JYSK.az saytında aşağıdakı bank kartları ilə ödəniş edə bilərsiniz:

  • Visa
  • MasterCard
  • Apple Pay
  • Google Pay

  Kartla ödəniş etdikdə fırıldaqçılıqdan qorunursunuz.

  Ödənişlər təhlükəsiz və şifrələnmiş bağlantı vasitəsilə həyata keçirilir ki, ödəniş məlumatlarınıza icazəsiz üçüncü şəxslər çıxış əldə edə bilməsin. 

  Onlayn ödəniş zamanı aşağıdakı məlumatlar tələb olunur:

  • bank kartının nömrəsi (kartın ön hissəsindəki 16 rəqəm);
  • kartın etibarlılıq müddəti;
  • təhlükəsizlik kodu (CVV/CVC) — kartın arxa hissəsində, maqnit zolağının üstündə yerləşən 3 rəqəmli kod.
• 3. SİFARİŞİN TƏSTİQİ

  Sifarişinizi tamamladıqdan sonra sifarişin təsdiqi ilə bağlı elektron məktub alacaqsınız. Təsdiq məktubunda aşağıdakı məlumatlar göstəriləcək:

  • sifarişiniz;
  • çatdırılma ünvanı;
  • ödəniş üsulu;
  • məhsulun (və ya məhsulların) qiyməti.

  Sifarişiniz alış üçün təqdim etdiyiniz təklif hesab olunur. Nəzərə alın ki, sifarişin təsdiqi ilə bağlı elektron məktub JYSK Azərbaycan tərəfindən sifarişinizin yekun qəbul edilməsi demək deyil.

  Sifarişiniz yalnız məhsulun (və ya məhsulların) göndərilməsi barədə sizinlə əlaqə saxladığımız zaman qəbul edilmiş hesab olunur.

  Biz bütün məhsullar üzrə kifayət qədər ehtiyat saxlamağa çalışırıq. Əgər məhsul artıq anbarda yoxdursa, sizə alternativ həll təklif etməyə çalışacağıq. Nəzarətimizdən kənar səbəblərə görə müəyyən məhsulu çatdıra bilməsək, buna görə məsuliyyət daşımırıq, lakin həmin məhsul üçün sizdən ödəniş alınmayacağına zəmanət veririk.

  Bütün müştərilərin maraqlarını nəzərə alaraq, bəzi məhsullar üzrə çox böyük miqdarda sifarişlərə məhdudiyyət tətbiq oluna bilər. Belə məhsullardan normadan artıq sayda sifariş verməyə cəhd etdikdə, sizə məhsulun sayını azaltmağınız barədə bildiriş göndəriləcək.

  Sifariş təsdiqinin sizə yenidən göndərilməsini istəyirsinizsə, zəhmət olmasa Müştəri Xidməti ilə əlaqə saxlayın.

• 4. HESAB FAKTURA

  Sifariş göndərildikdə sizə elektron faktura təqdim olunacaq. Fakturada aşağıdakı məlumatlar yer alacaq:

  • sifarişiniz;
  • çatdırılma ünvanı;
  • ödəniş üsulu;
  • çatdırılma müddəti;
  • sifarişin dəyəri.

  Əgər sifariş etdiyiniz məhsul üçün qulluq təlimatları mövcuddursa, onlar da fakturaya əlavə olunacaq. Məhsul zəmanətlə təmin olunursa, bununla bağlı məlumat fakturada göstəriləcək və həmin faktura eyni zamanda zəmanəti təsdiq edən sənəd hesab olunur.

  Məhsulların qanuni uyğunluq zəmanəti JYSK tərəfindən qüvvədə olan qanunvericiliyə uyğun olaraq təqdim edilir. Zəmanət şərtləri məhsulla birlikdə təqdim olunan zəmanət talonunda göstərilir.

• 5. ÇATDIRILMA VƏ MAĞAZADAN TƏHVİLALMA

  JYSK sifarişləri Bakı, Sumqayıt, Xırdalan və xidmət göstərilən digər ərazilərə çatdırır. Sifarişi mağazadan ödənişsiz təhvil almaq da mümkündür.

  1. Mağazadan təhvilalma — ödənişsiz

  Click & Collect xidməti ilə mağazada mövcud olan məhsulları onlayn rezervasiya etmək mümkündür. Sifarişin hazır olması barədə 30 dəqiqə ərzində SMS göndərilir.

  Sifariş SMS-in alındığı gün və ya növbəti 2 iş günü ərzində, mağazanın iş saatlarında təhvil alınmalıdır. Ödəniş mağazada, təhvilalma zamanı edilir.

  2. Ünvana çatdırılma

  Bakı şəhəri daxilində:

  • 201 AZN və daha çox məbləğdə sifarişlər üçün — ödənişsiz
  • 200 AZN-dən az məbləğdə sifarişlər üçün — 10 AZN

  Sumqayıt, Xırdalan və Bakıdan kənar digər xidmət göstərilən ərazilərə: sifarişin məbləğindən asılı olmayaraq 15 AZN.

  Çatdırılma müddəti:

  • Onlayn sifarişlər — təsdiqləndikdən sonra 2–3 gün
  • Mağazadan edilən alışlar — təsdiqləndikdən sonra 6–7 gün

  Mağazadan alışlarda çatdırılma yalnız müəyyən məhsul kateqoriyalarına şamil olunur. Ətraflı məlumat mağaza əməkdaşları tərəfindən təqdim edilir.

  Ekspress çatdırılma

  Ekspress çatdırılma üçün standart çatdırılma haqqına əlavə 15 AZN ödənilir. Xidmətin mövcudluğu və çatdırılma vaxtı operator tərəfindən təsdiqlənir.

  Çatdırılma zamanı nəzərə alınmalı məqamlar

  Çatdırılma 10:00–21:00 saatlarında həyata keçirilir. Tarix operator tərəfindən müştəri ilə razılaşdırılır. İri həcmli sifarişlərin çatdırılma tarixi ən azı 24 saat əvvəl razılaşdırılır.

  Sifariş zamanı düzgün telefon nömrəsi və tam ünvan göstərilməlidir. Müştəri nəqliyyat vasitəsinin ünvana yaxınlaşması və sifarişin təhvil verilməsi üçün maneəsiz giriş təmin etməlidir. Mərtəbəyə qaldırılma və mənzilə daşınma imkanları, eləcə də mümkün əlavə ödəniş əvvəlcədən razılaşdırılır. Çatdırılmaya mebelin yığılması, quraşdırılması və köhnə məhsulların daşınması daxil deyil.

  Bayram, həftəsonu, kampaniya dövrləri və əlverişsiz hava şəraitində çatdırılma müddəti uzana bilər. Dəyişiklik barədə müştəriyə məlumat verilir və yeni tarix razılaşdırılır.

  Ünvanı və ya çatdırılma tarixini dəyişmək üçün əvvəlcədən JYSK Müştəri Xidmətinə müraciət edilməlidir. Müştərinin ünvanda olmaması, yanlış ünvan və ya girişin mümkün olmaması səbəbindən təkrar çatdırılma ödənişli ola bilər. Məbləğ əvvəlcədən razılaşdırılır. JYSK-nın təqsiri ilə təkrar çatdırılma ödənişsizdir.

  3. Sifarişin qəbulu

  Təhvilalma zamanı məhsulların və bağlamaların sayı, sifarişə uyğunluğu və görünən zədələr yoxlanılmalıdır.

  Çatışmazlıq, zədə və ya yanlış məhsul aşkar edildikdə foto çəkilməli, çatdırılma sənədində qeyd aparılmalı və JYSK Müştəri Xidmətinə mümkün qədər tez məlumat verilməlidir. Zədələnmiş və ya yanlış çatdırılmış məhsulu səbəbi qeyd etməklə qəbul etməmək mümkündür.

  Sifarişin qəbul edilməsi sonradan aşkar olunan gizli qüsurlarla bağlı müraciətə mane olmur. JYSK-nın təqsiri ilə çatışmayan məhsulun və ya əvəzlənən məhsulun təkrar çatdırılması ödənişsizdir.

  4. Ödənilməmiş sifarişin saxlanması

  Müştəri sifarişi təklif olunan çatdırılma tarixində qəbul edə bilmədikdə, ödənilməmiş sifariş həmin tarixdən 7 gün rezervdə saxlanılır. Bu müddətdə yeni çatdırılma tarixi razılaşdırılmadıqda sifariş ləğv edilir.

• 6. QAYTARILMA VƏ DƏYİŞDİRİLMƏ

  Müştəri sifariş etdiyi Məhsul təhvil verilməzdən əvvəl istənilən vaxt ondan imtina etmək hüququna malikdir. Məhsul təhvil verildikdən sonra isə, alış günü nəzərə alınmadan, 14 (on dörd) təqvim günü ərzində ondan imtina edə bilər. Keyfiyyətli Məhsulun qaytarılması yalnız o halda mümkündür ki, onun satış üçün yararlılığı – yəni xarici görünüşü və istehlak xüsusiyyətləri – qorunub saxlanılmış olsun və alış faktını, həmçinin şərtlərini təsdiq edən sənəd təqdim edilsin. Qeyd edək ki, quraşdırılmış məhsullar istifadə olunmuş hesab olunur və onların satış üçün yararlılığı pozulduğu üçün geri qaytarılması və ya dəyişdirilməsi mümkün deyil.

  Müştəri fərdi xüsusiyyətlərə malik və yalnız həmin Müştəri tərəfindən istifadə edilə bilən keyfiyyətli Məhsuldan imtina etmək hüququna malik deyil.

  Müştəri, alış günü nəzərə alınmadan, Məhsulu əldə etdiyi andan etibarən 14 (on dörd) təqvim günü ərzində keyfiyyətli məhsulu oxşar məhsulla dəyişdirmək hüququna malikdir. Bu dəyişdirmə məhsul forması, ölçüsü, modeli, rəngi və ya komplektasiyası Müştəriyə uyğun olmadıqda mümkündür.

  Əgər Müştərinin müraciəti zamanı Satıcının satışında uyğun məhsul mövcud deyilsə, Müştəri məhsuldan imtina etmək və onun üçün ödənilmiş məbləğin geri qaytarılmasını tələb etmək hüququna malikdir.

   

• 7. ŞİKAYƏTLƏR

  JYSK Müştəri Xidmətləri şöbəsi ilə əlaqə saxlamağınızı tövsiyə edirik. Sifariş nömrənizi, məhsulun şəkillərini və problemin təsvirini support@jysk.az e-poçt ünvanına göndərə bilərsiniz. Reklamasiyanız qəbul edildikdən sonra onun operativ şəkildə araşdırılması üçün Müştəri Xidmətləri şöbəsinin əməkdaşı sizinlə əlaqə saxlayacaq.

  Məhsulun JYSK mağazasına qaytarılması tələb olunarsa, qüsurlu məhsulu mağazaya gətirin və ya zədələnməni təsdiqləmək üçün onun şəkillərini təqdim edin. Şikayətiniz vaxtında təqdim edildikdə və məhsulda həqiqətən qüsur olduğu təsdiqləndikdə, siz yeni məhsulla əvəzləmə və ya ödənilmiş məbləğin geri qaytarılması hüququna malik olacaqsınız.

• 8. MƏXFİLİK SİYASƏTİ

  Məhsul satın alarkən https://jysk.az saytında Müştəri aşağıdakı məlumatları təqdim edir: Soyad, Ad, çatdırılma ünvanı, elektron poçt ünvanı, telefon nömrəsi.
  JYSK.az saytında ödənişlər qorunan bir bağlantı vasitəsilə həyata keçirilir, bu da müştərilərin ödəniş məlumatlarına icazəsiz girişin qarşısını alır.

  Bu məlumatlar yalnız sifarişlərin işlənməsi və yerinə yetirilməsi, eləcə də lazım olan kömək üçün istifadə olunur.

  Müştərilər tərəfindən təqdim olunan telefon nömrələrini təkliflərimizlə bağlı zənglər üçün istifadə etmirik. Telefon zəngləri yalnız sifarişlə bağlı problemlər yarandıqda və ya çatdırılma haqqında məlumat almaq lazım olduqda mümkündür.

   JYSK, şəxsi məlumatları yalnız çatdırma ilə bağlı olan müvafiq daşıyıcılara təqdim edir, lakin şəxsi məlumatlarınızı üçüncü tərəflərə, o cümlədən digər şirkətlərə təqdim etmir, satmır və ya heç bir şəkildə əlçatan etmir.

  Şəxsi məlumatlarınız polis istintaqı zamanı istifadə oluna bilər, çünki biz polisə fırıldaqçı ödənişlər barədə məlumat veririk. Hesab məlumatlarını və digər şəxsi məlumatları, qüvvədə olan qanunvericiliyə riayət etmək və oğurluq və ya fırıldaqçılığın qarşısını almaq üçün, məsələn, kredit kartları ilə bağlı lazım olduqda təqdim edirik.

• 9. ABUNƏ MƏLUMATLARI

  Elektron poçt ünvanı

  Adı

   Ünvan (istəyə bağlı)

  Doğum tarixi (istəyə bağlı)

  Müştəri məlumatları etibarlı bir serverdə verilənlər bazasında saxlanılır.Bu məlumatlar yalnız veb adminlərə əlçatandır.E-poçt ünvanlarının digər şirkətlərə ötürülməyəcəyinə və ya satılmayacağına zəmanət veririk.

  Satıcı, Müştəri tərəfindən qeydiyyat zamanı təqdim olunan məlumatların dəqiqliyi və düzgünlüyünə görə məsuliyyət daşımır.