1
Səbət

EVİNİZİ TEKSTİL İLƏ BƏZƏMƏYİNİZ ÜÇÜN 4 TÖVSİYƏ

Tarix:

22/04/2021

Taq:

Mən, daxili dekorasiyanı bir neçə aydan bir dəyişdirənlərdənəm. Məsələn, keçən il qonaq otağında və yataq otağında xalçaları dəyişdirdim. Köhnə xalçalardan bezmişdim və otaqların görünüşünü təravətləndirmək istədiyim üçün, əvvəlkilərdən tamamilə fərqli olan yeni xalçalar, toxumalar və rənglər seçdim. Yataq dəstləri də artıq problem deyil, hər il yataq otağında atmosferi kökündən dəyişdirən ən azı üç-dörd yeni yataq dəsti əldə edirəm.

Yastıqlar, yorğanlar və xalçalar istənilən otağa rahatlıq bəxş edir.

Bir evin içini planlaşdırarkən, əksər hallarda, yalnız mebelə fikir veririk və evdəki atmosferə yalnız mebelin təsir etdiyini düşünürük. Mebelin əsəs işi – funksionallığıdır. Bununla birlikdə, evin atmosferinə təsir edən elementlərdən biri də tekstildir - rənglər, materiallar və printlər ən sadə interyerə belə rahatlıq bəxş edir.

Evinizi təravətləndirməyə və yeni mövsümdə onu daha rahat etməyə kömək edəcək bəzi tövsiyələr.

1. Tekstili mövsümə əsaslanaraq seçin

Mövsümdən mövsümə tekstil dəyişdirmək asandır və mebel ilə müqayisədə  daha ucuzdur. Məsələn, yayda biz daha çox açıq rənglərdə olan və yüngül parçalı tekstilə üstünlük veririk, qışda isə onları daha tünd rəngdə olan məxməri parçalar ilə əvəz edə bilərik. Dekorativ məxmər və ya süni xəzdən olan yorğan və yastıqlar, daha qalın yataq örtükləri, tüklü xalılar və flanel kətanlar, evinizi isti və rahat bir məkana çevirəcəkdir.

2. Xüsusi rahatlıq üçün qatlardan istifadə edin

Bir neçə geyimi üst üstə geyinmə trendi (məs., köynəyin üstünə hırka / blazer), interyerdə də istifadə edilə bilər. Pəncərələri pərdələr ilə örtün, divan üzərinə bir neçə örtük qoyun - yatmaq və ya televizor qarşısında bir stəkan isti süd içmək istədiyiniz zaman onlardan istifadə edin. Dincəlməyə və yatmağa imkan yaradacağınıza, soyuq mövsümdə buludlu günlər üçün uyğun bir atmosfer yaratmağınıza zəmanət verilir.

3. Printləri dekorunuza inteqrasiya edin

Bir çox insan uyğunlaşması çətin olduğu üçün, çap olunmuş parçalardan çəkinir. Bir neçə sadə qaydaya əməl etsəniz, printləri interyerinizə uyğunlaşdıra bilərsniz. Nə qədər cəsarətli olduğunuzdan və evin ümumi üslubundan asılı olaraq, daha kontrastlı rəsmlərdən istifadə edə bilərsiniz. Bununla birlikdə, xüsusi bir şey istəsəniz, gözü cəlb edəcək vurğu elementləri əlavə etməyiniz tövsiyə olunur, digər tekstil isə arxa planda qalacaq.

Daha bir ideya: fərqli, lakin eyni çalarları olan printlərdən istifadə etmək. Siz harmoniya və birləşdirilmiş məkan effektini alacaqsınız. Neytral rəngli bir divan varsa, onu dekorativ yastıqlarla və ya maraqlı bir naxışı olan örtük ilə bəzəyin. Zolaqlı printləri güllər ilə uyğunlaşdırmaq olar, lakin unutmayın ki çalarların eyni olması gərəkdir.

4.  Məsafələrlə və ölçülərlə diqqətli olun

Fərqli printləri birləşdirmək qərarına gəldiyiniz halda, bir neçə məqamları unutmayın.  Hər şeydən əvvəl, otaqda istifadə olunan parçalar arasındakı məsafə nə qədər çox olarsa, bir o qədər çox kombinasiyaya sahibsiniz, bununla yanaşı siz, fərqli, lakin eyni çalarlarda olan modellərdən istifadə edə bilərsiniz. Ayrıca, örtüklər, yataq dəstləri və ya pərdələr kimi böyük tekstillərin neytral rənglərdə olması gərəkdir. Dekorativ yastıq, kreslo yastıqları və ya süfrələr kimi kiçik əşyalar isə rəngarəng ola bilər.

 


 

YENİLİKLƏRƏ ABUNƏ OLUN

JYSK bülleteni ilə ən yaxşı təkliflərimiz, müsabiqələrimiz, yeni məhsullarımız və bir az ilhamvericilik haqqında məlumat alacaqsınız. Bütün bunlar qutunuzda!

cards

Ödəmə metodunu seçin